MascAyiti

Facebook Twitter Youtube Instagram
Soutenir Mascayiti
  • Catégories: 18 ans & Plus, Finale, Phase 1, Phase 2
90 commentaires

Eugène Kerry Dalton

MOI

Non pam se Kerry Dalton Eugène, mwen gen 24 lane, mwen fèt pòtoprens. Mwen se yon atis profesyonèl otodidak ki ap evolye nan domenn pòtrè depi 2017, mwen gen konesans nan antreprenarya ak jesyon. Nan zafè desen, mwen se yon atis ki konpetitif anpil se pa pou san rezon mw deside angajem nan inisyatif sila a. Mwen se yon atis ki chaje ak anbisyon, youn ladan yo se valorize kesyon atizay la nan pròp peyim. Konkou sa se ap yon moyen poum kòmanse poze aksyon pandan map valorize vil ke map viv la ki se Petyonvil. Mw konte sou ankourajmanw, e mwen swete siksè ak tout lòt konkiran yo.

MA VILLE

Petyonvil se yon komin an Ayiti, ki chita nan depatman Lwès la ak nan distri Pòtoprens. Komin sa a trouvel sou yon ti mòn yo te rele “chabon koupe a” paske li te konn bay yon gwo pati nan chabon pou vil la. Se te yon zòn vakans ki popilè. Li fonde an 1831 pa Prezidan Jean-Pierre Boyer, e li te nonmen non Alexandre Pétion Sabes (1770-1818), rekonèt kòm youn nan kat papa fondatè peyi a. Petyonvil vin tounen apati dezyèm mwatye 19yèm syèk la rezidans anpil Pòtoprensyen ki te vin chèche yon ti frechè. Zòn nan se sitou yon espas rezidansyèl ak touristik. Petyonvil se pati ki chaje bilding ki fòme alantou kapital Pòtoprens. Petyonvil fè pati zòn metwopolitèn nan Pòtoprens. Li se youn nan zòn ki pi rich, kote majorite aktivite touris fèt, ak youn nan pati ki pi rich nan peyi a. Anpil diplomat, biznisman etranje, ak yon gwo kantite sitwayen rich fè biznis epi rete nan Petyonvil.

MON DESSIN

“Sou fondasyon vil mwen an” se tit zèv sila a ki jayi limyè sou kèlke gro grenn imèb ak moniman ki kontinye valorize Petyonvil gras ak prezans yo. Men anplis de sa, gen yon istwa ki rakonte a travè kout kreyon sa yo. Se pa pou san rezon ou kapab remake yon rasanblaj pèsonaj ak objè. Rasanbleman sa vle di inite. Egzistans Petyonvil te fè swit ak istwa anperè Jean Jacques Dessalines ki te konstwi yon fò anlè… Petyonvil pou te kwape kolon yo. Prezidan Boyer te kontinye pa valorize espas sa kote ke li te vin bay zone nan non Petyonvil (1831), non sa ki sòti pami Alexandre Pétion Sabes yon lòt papa patri a. 3 pèsonaj sa yo, se 3 pèsonaj prensipal ki make listwa Petyonvil. Mw itilize kreyon chabon ak kreyon grafit poum reyalize zèv sila a.



90 commentaires

Laisser un commentaire